MOQ dopingga qarshi kurash mavzusida xalqaro ilmiy-amaliy konferenciyaga mezbonlik qildi

Unda O'zbekiston Respublikasi Sport vaziri o'rinbosari SHahrullo Mahmudov, Milliy Olimpiya qo'mitasi Bosh kotibi Oybek Kasimov, O'zbekiston Respublikasi Milliy antidoping agentligi direktori Abdushukur Sadikov, Respublika sport tibbiyoti ilmiy-amaliy markazi direktori Kamol Sirojitdinov, shuningdek xalqaro va mahalliy mutaxassislar ishtirok etishdi.

Konferenciyada dastlab Butunjahon antidoping agentligi (WADA) prezidenti Vitold Bankaning ishtirokchilarga yo'llagan videomurojaati tinglandi. Unda WADA rahbari yurtimizda nafaqat sport, balki, antidoping sohasiga ham hukumat darajasida etibor berilayotganligi, buning natijasida O'zbekiston antidoping sohasida rivojlangan davlatlarning 1-guruhidan joy olganligini alohida takidladi va konferenciya ishiga omad tiladi.

SHundan so'ng, SHahrullo Mahmudov o'zbekistonlik sportchilarning jahon arenalarida katta natijalarga erishayotganligi va bu kabi tadbirlar ularning bilim va ko'nikmalarini yanada oshirishini aytib o'tdi. Konferenciya davomida Abdushukur Sadikov O'zbekistonda doping muammolari va imkoniyatlar (“O'zbekistonda antidoping faoliyatining bugungi holati va rivojlanish istiqbollari”) mavzusida maruza qildi va shu bilan konferenciya o'z ishini boshladi.

Tadbir davomida Janubiy Koreya, Litva, Polsha, Turkiya, Qozog'istondan taklif etilgan ekspertlar va mahalliy mutaxassislar dopingga qarshi kurashni huquqiy tartibga solish, milliy antidoping qoidalarini ishlab chiqish, sohaga oid huquqiy meyorlarni takomillashtirish, shuningdek, sportda taqiqlangan moddalardan terapevtik istisno tarzida foydalanish masalalari yuzasidan tematik taqdimotlar o'tkazishdi.