MOQ Murodjon Xolmurodovning Olimpiya o'yinlariga licenziya qo'lga kiritganini tasdiqladi

Yana bir sportchimiz Tokio-2020 Olimpiadasi uchun licenziya qo'lga kiritdi

Bugun Milliy olimpiya qo'mitasi ushbu xabarni rasman tasdiqladi.

Noyabr o'zbek sporti uchun unutilmas voqeliklarga boy bo'lmoqda. Boisi, oy davomida para-atletlarimiz jahon chempionati orqali Tokio Paralimpiadasiga 8 ta, sportimiz tarixida ilk bor zamonaviy beshkurashchilarimiz Olimpiya o'yinlariga bir emas, ikkita licenziyaga ega bo'lishdi.

Velosportchimiz Murodjon Xolmurodovning Tokio Olimpiadasiga yo'llanma olgani haqidagi rasmiy xabar esa bugun barcha o'zbek sporti muxlislarini xursand qilishi turgan gap. Hamyurtimiz aprel oyida Toshkentda o'tkazilgan veloshosse bo'yicha Osiyo chempionatida beshinchi o'rinni qo'lga kiritgan edi. Aynan ushbu natija sportchimiz uchun Tokio Olimpiadasi eshigini ochmoqda. Boisi undan yuqori natija qayd etgan sportchilar jahon chempionati orqali Olimpiada yo'llanmasiga ega bo'lishdi. Tokio-2020 Xolmurodovning faoliyatidagi ikkinchi Olimpiada bo'ladi. Hamyurtimiz avval 2012 yil London Olimpiadasida ham yurtimiz sharafini himoya qilgan.

SHu tariqa Tokio Olimpiadasiga qo'lga kiritilgan licenziyalarimiz soni 14 taga etdi. O'zbekiston Milliy olimpiya qo'mitasi O'zbekiston velosiped sporti federaciyasini ushbu sport turida qo'lga kiritilgan ikkinchi yo'llanma bilan muborakbod etib, trek yo'nalishida ham Olimpiya o'yinlari licenziyasi uchun kurash olib borayotgan hamyurtlarimizga omad tilab qoladi.