“Mountain bike” endi Qoraqalpog'iston Respublikasi va Xorazmda ham rivojlanadi

Sportning qishki va murakkab texnik turlari bo'yicha Respublika oliy sport mahorati maktabi negizida “Mountain bike” bo'limining ochilishi esa ushbu sport turining nafaqat aholi, balki yoshlar orasida ham ommalashishiga xizmat qiladi.

Yaqinda Qoraqalpog'iston Respublikasi va Xorazm viloyatlarida velosportning mautinbayk yo'nalishini ommalashtirish borasida muhim qadam tashlandi. Gap shundaki, 2021 yildan Urganch shahrida joylashgan Xorazm viloyati Yakkakurash sport turlari bo'yicha IBO'SMda velosportning mautinbayk yo'nalishiga ixtisoslashgan bo'lim ochiladi. Yangi bo'limning moddiy texnik bazasi sifatida Gurlan tumani BO'SMga qarashli markaziy o'yingoh tanlandi.

SHuningdek, Olimpiya va milliy sport turlari bo'yicha Nukus oliy sport mahorati maktabida ham velosportning mautinbayk yo'nalishi bo'yicha bo'lim ochildi. Ushbu bo'lim Sport o'yinlari va engil atletikaga ixtisoslashtirilgan bolalar-o'smirlar sport maktabi bazasida faoliyat olib boradi.

Umid qilamizki, ushbu yangi bo'limlardan tez orada mahoratli sportchilar etishib chiqadi va ular xalqaro arenalarda O'zbekiston sharafini munosib himoya qilishadi.