Nadal Parij "Masters" 1/2 finaliga chiqdi

Musobaqa g'olibligi uchun asosiy davogar ispaniyalik Rafael Nadal yarim final yo'llanmasini qo'lga kiritdi. Dunyoning ikkinchi raketkasi 2 soatu 13 daqiqa davom etgan chorak final bahsida reytingning 15-pog'onasidan joy olib turgan vatandoshi Pablo Karreno-Bustani mag'lub etdi - 4/6, 7/5, 6/1.

Uchrashuv davomida 34 yoshli Rafa 7 ta, 29 yoshli Karreno-Busta esa 4 ta eys zarbani amalga oshirdi. Bu vatandoshlarning o'zaro o'tkazgan ettinchi uchrashuvlari edi. Barcha bahslarda Nadalning qo'li baland kelgan.