Namanganda poygachilar bellashdi FOTO

O'zbekiston mudofaasiga ko'maklashuvchi "Vatanparvar" tashkiloti Namangan viloyati kengashining 2019 yilgi sport tadbirlari kalendar rejasiga asosan Uchqo'rg'on tuman USTKdagi kartadromda karting bo'yicha viloyat ochiq birinchiligi 2-boskich musobaqasi o'tkazildi. Musobaqada shahar va tumanlar sport jamoalari, Kozog'iston Respublikasi sportchilari, Toshkent shahri, Toshkent, Navoiy, Farg'ona va Andijon viloyatlaridan 8 va undan yuqori yoshdagi (4 nafar qizlar) jami 76 nafar sportchi ishtirok etdi. Musobaqaning yakuniy natijalariga ko'ra, 1-o'rinni Uychi tuman jamoasi, 2-o'rinni To'raqo'rg'on tuman jamoasi egalladi. Kuchli uchlikka Norin tumani jamoasi yakun yasadi. 

G'oliblarga "Vatanparvar" tashkilotining esdalik sovg'alari va faxriy yorliqlari topshirildi.