Naomi Osaka ishtirokini g'alaba bilan boshladi

Dunyoning to'rtinchi raqamli tennis malikasi Naomi Osaka musobaqadagi ishtirokini g'alaba bilan boshladi. Yaponiyalik tennischi Brisben turnirining ilk davrasida greciyalik Mariya Sakkariga qarshi kortga chiqdi. 

Ikki soatu 7 daqiqa davom etgan bahsda 22 yoshli Naomi reytingning 23-pog'onasidan joy olib turgan 24 yoshli raqibasini taslim etdi - 6/2, 6/7(4), 6/3. Endi Osaka Brisbane International turnirining ikkinchi bosqichida amerikalik Sofiya Keninga qarshi bahs olib boradi.