"Nasaf" titul homiyga ega bo'ldi. Superliganing yana qaysi jamoalarida titul homiy yo'q?

"Ajdarlar" Qashqadaryoning yirik ishlab chiqaruvchi korxona "SSmart" bilan kelishuvga erishgan. "SSmart" aqlli televizorlar ishlab chiqarish bilan shug'ullanadi.

Endilikda Superliganing titul homiysi yo'q jamoalar soni to'rtta qoldi. Ular - "Bunyodkor", "Xorazm", "Mashal" va "Qo'qon-1912" jamoalari.

Qizig'i, "Qo'qon-1912" jamoasida o'tgan mavsumda ham titul homiysi yo'q edi. O'tgan mavsumda "Mashal"ning titul homiysi "O'zbekiston Milliy banki" edi. "Bunyodkor"da "O'zbekneftgaz" titul homiysi bo'lgan bo'lsa, "Xorazm" jamoasining liboslarida "Uztelekom" logosi tushirilgandi.