29 iyu 07:28
Yangiliklar

Tennis

Nature Valley. Kabal va Farax juftlik g'oliblari!

Buyuk Britaniyaning Istburn shahrida tennis bo'yicha o'tkazilayotgan nufuzli ATP turnirining juftlik bahsi g'oliblari aniqlandi.

Hal qiluvchi final uchrashuvida kolumbiyalik tennischilar - Xuan-Sebastyan Kabal va Robert Farax argentinaliklar - Maksimo Gonsales hamda Orasio Sebalosga qarshi kortga chiqishdi.

Bir soatu 35 daqiqa davom etgan juftlik turnirining so'nggi uchrashuvida kolumbiyaliklar 3/6, 7/6(4), 10:6 hisobida zafar quchib, bosh mukofot sohibiga aylanishdi. Nature Valley International turniridagi g'alaba Kabal va Faraxga 250 reyting ochkosi hamda 38 690 AQSH dollarini taqdim etdi.