Navbatdagi onlayn mahorat darsi Qoraqalpog'iston Respublikasi yosh stol tennischilari uchun tashkil etildi

Xabaringiz bor, O'zbekiston Jismoniy tarbiya va sport vazirligi, Milliy Olimpiya qo'mitasi hamda O'zbekiston stol tennisi federaciyasi  bilan hamkorlikda  respublikada stol tennisi sport turini yanada rivojlantirish va ommalashtirish maqsadida stol tennisi bo'yicha O'zbekiston chempionati, kubogi va xalqaro musobaqalar g'olib va sovrindorlari tomonidan yosh avlodlarga «ZOOM» platformasi orqali onlayn mahorat saboqlarini o'tkazilmoqda. Bugun navbatdagi onlayn mahorat darsini Doniyor Turamurotov va Baxtiyor Xamgeldiev Qoraqalpog'iston Respublikasi yosh stol tennischilari uchun tashkil etib berishdi.O'ziga xos onlayn master klassda tajribali sportchimiz bo'lajak yosh stol tennisi yulduzlariga qiziqarli va kerakli mashqlarni namoyish etib berdi. Qiziqarli kechgan mashg'ulotdan so'ng yosh stol tennischilari Doniyor Turamurotov va Baxtiyor Xamgeldievga o'z minnatdorchiliklarini bildirib o'tishdi.