Navoiyda sport majmuasi tibbiy xizmat uchun foydalanishga topshirildi

Navoiy shahridagi «Yoshlar» sport majmuasida ham 400 o'rinli tashhislash, saralash, taqsimot punkti faoliyatini boshladi.

Pandemiya davrida bemorlarga birlamchi tibbiy xizmat ko'rsatishni maqsad qilgan mazkur vaqtinchalik shifo maskanida tez tibbiy yordam bo'limiga harorati ko'tarilib, murojaat etgan bemorlar keltiriladi. Jarayonda bemorlar tashhislanib, ular ahvolining o'ta og'ir, og'ir va engilligiga qarab saralash ishlari tashkil etiladi.

Bemorlarning klinik belgilaridan kelib chiqib, ular shifoxonaga yoki uyida davolanish uchun yo'naltiriladi.

Ayni paytda mazkur punkt tibbiy ko'rik uchun zamonaviy tibbiyot anjomlar bilan taminlandi.

SHuningdek, bemorlar uchun 200 kislorodli o'rin tayyorlangan bo'lib,punktga bemorlarga malakali tibbiy xizmat ko'rsatish uchun 44 nafar tibbiyot xodimlari jalb etildi.

Tashhislash, saralash, taqsimot punkti faoliyatining yo'lga qo'yilishi aholining tibbiy xizmat bilan bog'liq muammolarini ijobiy hal etishda muhim omil bo'lib xizmat qiladi.