NHL Olimpiada paytidagi tanaffusda qoldirilgan bazi o'yinlarni o'tkaza olmaydi. Muntazam chempionat uzaytirilishi mumkin

Avvalroq, liga va ittifoq xokkeychilarning 2022 yilda Pekinda bo'lib o'tadigan Olimpiadada ishtirok etmasligiga kelishib olgani malum qilgandi.

ESPN xabariga ko'ra, liga uchun endi yangi taqvim tuzish masalasi kun tartibiga chiqmoqda. Olimpiada tanaffusi 6-22 fevral kunlariga belgilangan edi.

Malum qilinishicha, NHL arenalar bandligi sababli ushbu 2 hafta ichida ko'chirilgan barcha o'yinlarni o'tkaza olmaydi.

Liga mavsumning ikki tomonlama taqvimini tuzishda Olimpiya o'yinlaridan voz kechilgan taqdirda taqvimni saqlab qolishni so'radi, ammo ko'plab arenalar pandemiya davridagi daromad yo'qotilishini qoplash zarurati tufayli baribir boshqa tadbirlarni rejalashtirishgan.

SHunday qilib, fevral oyida NHL jamoalari qandaydir tanaffusga ega bo'lishlari mumkin. "Neshvill" klubining bosh menejeri Devid Poylning aytishicha, bu muddat liga va ittifoq o'rtasida muhokama qilinadigan mavzu bo'ladi.

Unga ko'ra, muntazam chempionatni bir haftaga uzaytirish varianti ham istisno etilmagan.