Nigina Abduraimova ilk davradayoq yutqazib qo'ydi

Mukofot jamg'armasi 75 000 dollarni tashkil qiluvchi musobaqada hamyurtimiz Nigina Abduraimova ham ishtirok etdi. Afsuski, mamlakatimizning birinchi raketkasi bir kunning o'zida ham yakkalik, ham juftlik bahslarida mag'lubiyatga uchrab, turnirni juda erta tark etdi. 

Abduraimova yakkalikning ilk davrasida germaniyalik Ella Seydelga qarshi kortga chiqdi. Etmish besh daqiqa davom etgan bahsda turnirda beshinchi raqam ostidan saralangan Seydel 6/4, 6/4 hisoblarida g'alaba qozondi. Bu tennischilarning o'zaro o'tkazgan ilk uchrashuvi edi.  

Taqqoslash uchun, Nigina Abduraimova WTA reytingida 248, Ella Seydel 158-o'rinni egallab turibdi.