30 mar 09:30
Yangiliklar

Tennis

Nigina Abduraimova juftlik bahslarida finalga chiqdi

Sloveniyaning Murska-Sobota shahrida tennis bo'yicha W50 toifasiga kiruvchi turnir davom etmoqda.

Mukofot jamg'armasi 50 000 AQSH dollarini tashkil etuvchi musobaqada hamyurtimiz Nigina Abduraimova ham muvaffaqiyatli odimlayapti. Mamlakatimizning birinchi raketkasi yakkalikda yarim finalga yo'l olgandi.

Kecha tennischimiz turnirning juftlik bahslarida final chiptasini qo'lga kiritdi. CHexiyalik Jessika Malechkova bilan tandem hosil qilgan Nigina 62 daqiqa davom etgan 1/2 finalda vengriyalik Adrien Nagi hamda chexiyalik Aneta Kuchmova hamkorligini 6/1, 1/6, tay-brekda 10/5 hisobida mag'lubiyatga uchratdi.

Bugun Abduraimova va Malechkova juftligi Murska-Sobota turniri bosh sovrini uchun finalda amerikalik Anna Rojers hamda portugaliyalik Fransiska Xorxe tandemiga qarshi kortga chiqadi.