Nigina Abduraimova juftlikda vice-chempion bo'ldi

Mukofot jamg'armasi 50 000 AQSH dollarini tashkil etuvchi musobaqada hamyurtimiz Nigina Abduraimova ham nisbatan muvaffaqiyatli qatnashdi. Yakkalik bahslari yarim finalida turnirning birinchi raketkasiga uch set yakuniga ko'ra mag'lub bo'lgan Nigina juftlikda vice-chempionga aylandi.

CHexiyalik Jessika Malechkova bilan tandem hosil qilgan mamlakatimizning birinchi raketkasi 97 daqiqa davom etgan hal qiluvchi final uchrashuvida amerikalik Anna Rojers hamda portugaliyalik Fransiska Xorxe tandemiga 4/6, 7/5, tay-brekda 8/10 hisoblarida yutqazib qo'ydi.