Nigina Abduraimova Kalvi turniri 1/2 finalida!

Mukofot jamg'armasi 50 000 dollarni tashkil etuvchi ushbu musobaqada Nigina Abduraimova ham o'z imkoniyatini sinab ko'ryapti. Quvonarlisi, biroz avval yakuniga etgan 1/4 final uchrashuvida dunyoning 239-raketkasi bo'lib turgan hamyurtimiz g'alaba qozonishga muvaffaq bo'ldi. 

Turnirda uchinchi raqam ostida tasniflangan tennischimiz musobaqaning sakkizinchi raketkasi, WTA reytingida 283-pog'onadan joy olgan chexiyalik 19 yoshli Linda Klimovichovani 6/4, 6/3 hisobida taslim etdi. Etmish etti daqiqalik bahsda Abduraimova 1 ta eys zarbasini amalga oshirib, 2 ta qo'shxatoga yo'l qo'ydi. 

Endi Nigina ertaga turnirning birinchi raketkasi Darya Singurga qarshi kortga chiqadi. Ukrainalik tennischi hozirda WTA reytingida 132-pog'onadan joy olgan bo'lib, 1/4 finalda rossiyalik Viktoriya Kanni 6/3, 6/0 hisobida engdi.