Nigina Abduraimova Kalvi turnirida 1/4 finalga chiqdi

Mukofot jamg'armasi 50 000 dollarni tashkil etuvchi ushbu musobaqada Nigina Abduraimova ham o'z imkoniyatini sinab ko'ryapti. Hamyurtimiz ikki g'alabasi evaziga 1/4 final ishtirokchisiga aylandi. 

Turnirda uchinchi raqam ostida tasniflangan tennischimiz birinchi davrada niderlandiyalik Lesley Pattinama Kerxoveni 6/4, 7/6(4) hisobida mag'lubiyatga uchratgan edi. Kecha o'tkazilgan ikkinchi bosqichda esa germaniyalik Lara SHmidtni irodali tarzda engdi. Ikki soatu 38 daqiqa davom etgan bahsda Nigina 3/6, 6/4, 6/3 hisobida zafar quchdi.    

Taqqoslash uchun, Abduraimova WTA reytingida 239, Kerxove 292, SHmidt 493-o'rinni egallab turibdi. Bugun Nigina 1/4 finalda turnirning sakkizinchi raketkasi, WTA reytingida 283-pog'onadan joy olib turgan chexiyalik 19 yoshli Linda Klimovichovaga qarshi kortga chiqadi.