Nigina Abduraimova Trnavada 1/8 finalga chiqdi

Xabar berganimizdek, mukofot jamg'armasi 50 000 AQSH dollarini tashkil etuvchi musobaqada hamyurtimiz Nigina Abduraimova ham ishtirok etyapti.

Mamlakatimizning birinchi raketkasi turnirning ilk davrasida shveycariyalik Leoni Kangga qarshi kortga chiqdi. Hozirgina yakuniga etgan uchrashuvda Abduraimova saralash bahslarida asosiy to'rga yo'l olgan raqibasini 6/2, 6/3 hisobida taslim etdi.  

Taqqoslash uchun, Abduraimova WTA reytingida 247, Kang esa 343-o'rinni egallab turibdi. Endi tennischimiz 1/8 finalda Zeynep Sonmezga qarshi bahs olib boradi. Turkiyalik tennischi ilk davrada reytingda o'zidan 27 pog'ona yuqorida borayotgan shveycariyalik Lulu Sandan 0/6, 6/4, 6/3 hisoblarida ustun keldi. Sonmez dunyoning 178-raketkasi bo'lib turibdi.