Nigina Abduraimova uzoq yillardan keyin terma jamoa safida! Tennischilarimiz Billie Jean King Cup turniridagi ishtirokini boshladi

Unda O'zbekiston terma jamoasi ham ishtirok etmoqda.

Oqgul Amanmurodova sardorligi ostidagi tennischi qizlarimiz bugun ilk tur doirasida Filippinga qarshi kortga chiqdi va 1:2 hisobida mag'lub bo'ldi.

Dastlabki o'yinda Darya SHubina Teniell Madisni 2:1 (4/6, 6/3, 6/1) hisobida taslim etdi. Nigina Abduraimova hamda SHaira Xoup Riveyra o'rtasida kechgan ikkinchi o'yin esa 1:2 (2/6, 6/3, 3/6) hisobida filippinlik tennischining g'alabasi bilan yakunlandi. Hal qiluvchi uchinchi bahsda SHubina va Abduraimova juftligi SHaira Xoup Riveyra va Aleksa Joy Millyam juftligiga 1:2 (6/3, 3/6, 8/10) hisobida taslim bo'ldi.