Novak Jokovich Dubayni zabt etdi

Serbiyalik tennis yulduzi Dubai Duty Free Tennis Championships finalida reytingning 6-pog'onasidan joy olgan greciyalik Stefanos Cicipasga qarshi kortga chiqdi. Jokovich 1 soatu 17 daqiqa davom etgan uchrashuvda raqibini 6/3, 6/4 hisobida mag'lub etdi. Novak o'zaro o'tkazilgan uchrashuvlarda yana oldinga chiqib oldi - 3:2.

Dubay turniridagi muvaffaqiyatli ishtirok Jokovichga 565,705 dollar mukofot puli hamda 500 reyting ochkosini taqdim etdi. Cicipas esa 284,485 dollar va 300 ochkoga ega bo'ldi. Bu serbiyalik tennischining faoliyatidagi 79-sovrin bo'ldi. Novak ketma-ket 21 ta uchrashuvda g'alabaga erishdi.