Novak Jokovich: "Men Nadalni mag'lub etishim mumkin"

“Rafa bilan Parijdagi uchrashuv ajoyib o'tadi. Tennis dunyosidagi eng qiyin bahs. Ammo men sifatli o'yin namoyish qilyapman va so'nggi bir oy ichida o'zimdan mamnun bo'ldim. Bu o'zimga ishonch bag'ishlaydi. Men Nadalni mag'lub etishim mumkin, aks holda kortga chiqmasdim. Bu ajoyib kurash bo'ladi.

Berrettini bilan o'yin ham qiyin kechdi. Men yiqildim, muxlislar ketishdi, uchrashuv to'xtatildi. Bosim juda kuchli edi, oxir-oqibat baqirish orqali hissiyotlarimni bo'shatdim... Juda zo'r bo'ldi.

Muxlislar raqibimga yordam berishdi, ammo u o'zi ajoyib tennis namoyish qildi. Uning zarbalariga qarshilik ko'rsatish qiyin edi. Matteo istedodli va kuchli zarbaga ega tennischi. Uchrashuv qiyin bo'ldi “, - deya Jokovichning so'zlarini keltirmoqda ATP matbuot xizmati.