25 fev 10:10
Yangiliklar

Tennis

Novak Jokovichni 1/4 finalda mag'lub etishdi

Dunyoning birinchi raketkasi Novak Jokovich Dubayda davom etayotgan nufuzli ATP turnirida kutilmagan mag'lubiyatni qabul qilib oldi.

Serbiyalik tennischi chorak final uchrashuvida ATP reytingida 123-pog'onadan joy olib turgan chexiyalik Irji Veseliga 4/6, 6/7(4) hisobida imkoniyatni boy berib, musobaqadagi ishtirokini erta yakunladi.

Tennischilar kortda 3 daqiqasi kam 2 soat harakat qilishgan. Bu vaqt oralig'ida 34 yoshli Jokovich ham, 28 yashar Veseli ham 9 tadan eys zarbasini amalga oshirgan. Endi Irji Dubai Duty Free Tennis Championships turnirining yarim finalida kanadalik Denis SHapovalovga qarshi kortga chiqadi. SHapovalov chorak finalda litvalik Richardas Berankisni taslim etgan.