Nurmagomedov - Fergyuson jangi beshinchi bor bekor qilinadi

Bu malumotni Xabib Nurnmagomedovning o'zi Instagram tarmog'ida onlayn konferenciya qilgan chog'ida tasdiqladi.

"Hammani ayni paytda qaerda ekanim qiziqtirmoqda. Keling bir boshdan boshlaymiz. Xabarlar qanday edi? Avvalboshdan men Kaliforniyada, AKA mashg'ulot zalida jamoam bilan birga 10 kun shug'ullandim. Lekin nima uchun mashg'ulot o'tkazayotganim, jang bo'ladimi yoki yo'q, o'tkazilsa ham qanday formatda bo'ladi, ochig'i, buni bilmasdim. Bu orada UFC jang 100 foiz Amerikada o'tkazilmasligini malum qildi. Tashkilotchilar menga UFC 249 oqshomining 99 foizga Abu-Dabida o'tishini aytishdi. 

Bu holatda biz UFC bilan maslahatlashgan holda BAAga yo'l olishga kelishdik. 20 mart kuni BAAga etib keldik, lekin u erda bizga chegaralar yopilgani, mamlakatga hech kim kiritilmasligini aytishdi. SHundan keyin biz ilojsiz Rossiyaga uchib ketdik. Hozir men Dog'istondaman. Har kuni mashg'ulot o'tkazyapman, tayyorgarlik davom etyapti. Lekin nimaga tayyorgarlik ko'rayotganimni bilmayman. Butun dunyo karantinda! Kirish va chiqishlar berkitilgan", - dedi Xabib.