01 mar 20:28
Yangiliklar

Velosport

Olga Zabelinskaya jahon chempionatidagi ishtirokini yakunladi

Germaniyaning Berlin shahrida velotrek bo'yicha jahon chempionati o'z yakuniga etib bormoqda.

Biroz avval ayollar o'rtasida ochkolar poygasi bo'yicha kechgan bellashuv yakunlandi.

Xabar berganimizdek, ushbu yo'nalishda Olga Zabelinskaya yurtimiz sharafini himoya qildi. Keskin va murosasiz kechgan poygalarda yurtdoshimiz to'rtinchi o'rinni egalladi. Uchinchi o'rin egasi bilan hamyurtimizni atigi 2 ochko ajratib turdi.

Velotrek bo'yicha JCH.
Ayollar, ochkolar poygasi.
1. Elinor Berker (Buyuk Britaniya) – 50 ochko
2. Jennifer Valente (AQSH) – 34
3. Anita Stenberg (Norvegiya) – 33
4. Olga Zabelinskaya (O'zbekiston) – 31

Eslatib o'tamiz, ushbu yo'nalish Olimpiya o'yinlari dasturiga kiritilmagan. Yurtdoshimiz omnium bahsida 19-natijani qayd etgan. SHunday bo'lsa-da, Zabelinskaya ayollar o'rtasida velotrek bo'yicha jahon chempionatlarida yurtimiz sharafini himoya qilgan ilk sportchi sifatida tarixda qolmoqda.

Havola :

Manba : olympic.uz

Reyting: +1