Olimpiada-2018: Bokschimiz O'zbekistonga yana bir medalni taqdim etdi!

Boks bahslarining so'nggi kunida charm qo'lqop ustamiz Abdumalik Xalakovning oltin medalni qo'lga kiritgani haqida xabar bergand eik. Endi boshqa bir bokschimiz Timur Merjanov sovrindorlar qatoridan o'rin oldi.

Hamyurtimiz bronza medali uchun jangda Misr vakili Yusuf Ali Kararga qarshi ringga ko'tarildi. Keskin o'tgan bahs yakuniga ko'ra hamyurtimiz g'alabaga erishdi va Argentina Olimpiadasi sovrindoriga aylandi.

Bu O'zbekiston terma jamoasining o'smirlar Olimpiadasidagi 16-medali edi. Hisobimizda 5 ta oltin, 4 ta kumush va 7 ta bronza medallari mavjud. 1 ta oltin va 1 ta bronza medallari mikst bahslarida qo'lga kiritilgan.

Qayd etish lozimki, mazkur o'yinlarda sportchilarimiz O'zbekistonning o'smirlar Olimpiya o'yinlaridagi rekordini yangiladilar.