Olimpiada-2018. Ertaga o'zbekistonlik sportchi startga chiqadi

To'rt yillikning eng nufuzli musobaqalarda ishtirok etayotgan hamyurtimiz Komil To'xtaev ertaga, 22 fevral kuni tog' chang'isining slalom bahslarida o'z imkoniyatini sinovdan o'tkazadi. 

Toshkent vaqti bilan soat 06:00da boshlanadigan musobaqada vakilimiz 97-tartib raqam ostida bahslarga kirishadi. Malumot uchun, slalomda 108 nafar sportchi ishtirok etadi. Bahslar "Yongpyong Alpine Centre" majmuasida bo'lib o'tadi. 

Eslatib o'tamiz, 18 fevral kuni Komil gigant slalom bahslarida ishtirok etgan va umumiy hisobda 2:35.99 natija ko'rsatib, 110 nafar sportchi ichida 52-o'rinni egallagandi.