29 sen 16:07
Yangiliklar

Tennis

"Olti qirol dubulg'asi" turniriga qura tashlandi

Saudiya Arabistoni poytaxti Ar-Riyod shahri tennis bo'yicha ko'rgazmali turnirga mezbonlik qiladi.

16-19 oktyabr kunlari o'tkaziladigan "Olti qirol dubulg'asi" turnirida dunyo tennisi yulduzlari ishtirok etadi. Qura natijasiga ko'ra dunyoning birinchi raketkasi Yannik Sinner 1/4 finalda Daniil Medvedevga, Karlos Alkaraz esa Xolger Runega qarshi kortga chiqadi.

Ushbu juftlik g'oliblarini 1/2 finalda mos ravishda Novak Jokovich va Rafael Nadal kutib oladi. Dastlabki ikki uchrashuv 16 oktyabr kuni o'tkazilsa, 1/2 finallar 17 oktyabrga belgilangan. Final hamda 3-o'rin uchun uchrashuvlar19 oktyabr kuni bo'lib o'tadi.