Onlayn mahorat darslari davom etmoqda. Navbat Navoiy viloyati yoshlariga

Xabaringiz bor, O'zbekiston Jismoniy tarbiya va sport vazirligi, Milliy Olimpiya qo'mitasi hamda O'zbekiston stol tennisi federaciyasi bilan hamkorlikda respublikada stol tennisi sport turini yanada rivojlantirish va ommalashtirish maqsadida stol tennisi bo'yicha O'zbekiston chempionati, kubogi va xalqaro musobaqalar g'olib va sovrindorlari tomonidan yosh avlodlarga «ZOOM» ilovasi orqali onlayn mahorat saboqlarini o'tkazilmoqda.

Bugun navbatdagi onlayn mahorat darsini xalqaro toifadagi sport ustalari, Nodira Burxonxo'jaeva va Rimma Gufranova Navoiy viloyati yosh stol tennischilari uchun tashkil etib berdi. O'ziga xos onlayn master klassda tajribali sportchimiz bo'lajak yosh stol tennisi yulduzlariga qiziqarli va kerakli mashqlarni namoyish etib berdi. Qiziqarli kechgan mashg'ulotdan so'ng yosh stol tennischilari Nodira Burxonxo'jaeva va Rimma Gufranovaga o'z minnatdorchiliklarini bildirib o'tishdi.

O'zbekiston stol tennisi federaciyasi matbuot xizmati