Onlayn musobaqalar g'oliblari taqdirlandi + FOTO

Avval xabar berib o'tganimizdek, Toshkent viloyati Jismoniy tarbiya va sport boshqarmasi tomonidan karantin vaqtida aholining bo'sh vaqtini mazmunli o'tkazish maqsadida bir qator sport turlaridan onlayn musobaqalar tashkil etilgan edi.

Toshkent viloyati aholisi o'rtasida Taekvondo VTF, Karate VKF, O'zbek jang sanati va Taekvondo ITF sport turlari bo'yicha o'tkazilgan onlayn musobaqalarda 10 mingga yaqin ishtirokchilar o'z mahoratlarini namoyish etgan videoroliklar yordamida g'oliblik uchun kurash olib borishdi.

Musobaqa uchun masul bo'lgan hakamlar guruhi tomonidan barcha videoroliklar ko'rib chiqilib eng munosiblar g'olib deb topildi. Bundan tashqari ishtirokchilar orasidan alohida videoroliklar tanlab olinib Toshkent viloyati Jismoniy tarbiya va sport boshqarmasi boshlig'i tomonidan alohida mukofotlar bilan taqdirlandi.

Bugun onlayn musobaqalarda g'olib va sovrindor deb topilgan ishtirokchilarga oldindan vada qilingan qimmatbaho sovg'alar topshirildi. SHuningdek g'oliblarga sport epirovkalari ham taqdim qilindi.

Hukumatimiz tomonidan karantin davrining uzaytirilish natijasida Toshkent viloyati Jismoniy tarbiya va sport boshqarmasi tomonidan yana bir qator sport turlari bo'yicha onlayn musobaqalar davom ettirilishi rejalashtirilmoqda.

Aziz Toshkent viloyati aholisi, karantin davrida uyingizda qolib, sport bilan shug'ullaning hamda onlayn musobaqalarda ishtirok etib, g'oliblikni qo'lga kiriting! Biz siz bilan koronavirusni albatta engamiz!