Onlayn yig'ilishda birinchi yarim yillik sarhisob qilinib, kelgusi 6 oy uchun rejalar muhokama qilindi

Yil boshidan butun dunyoda avj olgan ushbu virus sabab sportchilarimiz ham 4 oydirki musobaqalarda ishtirok etishmayapti. Mashg'ulotlar esa uy sharoitida olib borilmoqda. Bugun ortda qolgan 6 oy davomida sohada qilingan ishlar yuzasidan 2020 yilning birinchi yarim yillik yakunlari hamda ikkinchi yarim yillikning ish rejalariga bag'ishlangan onlayn yig'ilish bo'lib o'tdi.

Unda MOQ prezidenti Rustam SHoabdurahmonov, O'zbekiston Respublikasi Prezidenti Administraciyasi masul xodimi SHavkat Sultanov, MOQ, Jismoniy tarbiya va sport vazirligi, shuningdek, Olimpiya sport turlari bo'yicha federaciya va associaciyalar rahbariyati va mutasaddi xodimlari ishtirok etishdi.
Yig'ilishni MOQ Bosh kotibi Oybek Kasimov ochib berdi va qatnashchilarni kun tartibi bilan tanishtirdi. Kun tartibida belgilanganidek, yig'ilishda dastlab MOQ qoshidagi Respublika sport tibbiyoti ilmiy-amaliy markazi direktori, tibbiyot fanlari doktori, professor Abdushukur Sadikov Epidemiologik vaziyat sabab chiqarilgan hukumat qarorlarining ijrosi yuzasidan sohada olib borilgan ishlar xususida gapirib berdi. SHundan so'ng O'zbekiston taekvondo federaciyasi raisi SHerzod Tashmatov Tokio Olimpiadasiga tayyorgarlik bo'yicha olib borilayotgan ishlar va joriy yilning ikkinchi yarim yilligi uchun rejalar xususida maruza qildi. O'z navbatida MOQ prezidenti maslahatchisi Nazirjon Xudoyqulov terma jamoalarga xorijdan jalb qilingan murabbiylar bilan ishlash, hududlardagi yoshlar uchun onlayn master-klaslar ko'rsatish borasida, Jismoniy tarbiya va sport vazirligi bosh mutaxassisi Akrom Nizametdinov yosh iqtidorli sportchilarni saralash, yani selekciya ishlari borasida tayyorlangan materiallari bilan tanishtirdilar. MOQ prezidenti matbuot kotibi, axborot-siyosati masalalari bo'yicha maslahatchisi Zafar Imomxo'jaev esa sog'lom turmush tarzini targ'ib qilish, federaciyalar matbuot-xizmati bilan olib borilayotgan ishlar, oldindagi rejalar, loyihalar xususida malumot berdi. MOQ departament direktori Alisher Karimov federaciyalar faoliyatini tijoratlashtirish to'g'risidagi maruzasi bilan kun tartibidagi barcha masalalar ko'rib chiqildi, mutaxassislarni qiziqtirgan mavzular bo'yicha atroflicha fikr-mulohazalar bildirildi.

MOQ prezidenti Rustam SHoabdurahmonov yakuniy so'z o'rnida ortda qolgan davrni sarhisob qilib, qilinadigan ishlar xususida gapirdi.

“Avvalombor, mana shunday iqtisodiy murakkab davrda turganimizga qaramay sportni qo'llab-quvvatlab kelayotgan Prezidentimiz va hukumatimizga o'z minnatdorchiligimizni bildirib qolaman. Zero, yil yakunigacha rejalashtirayotgan o'quv-mashg'ulot yig'inlarimizni o'tkazish uchun etarli mablag' ajratilgan. Yuqorida aytilgan fikrlar haqiqatda juda o'rinli. O'z o'rnida federaciya mutasaddilaridan o'zlari uchun kerakli xodimlarni ishga jalb qilish masalasida takliflarni kutib qolamiz. Tibbiy ko'rikdan o'ta olgan va zarur talablarni bajara oladigan federaciyalar o'quv-mashg'ulot yig'inlarini olib borishi mumkin. Albatta, bu borada Jismoniy tarbiya va sport vazirligi bilan kelishgan holda ish tutish lozimligini unutmaslik kerak. Hozir butun dunyoda vaziyat bir xil. Sizlardan o'z yo'nalishlaringizda yangi metodikalar bo'yicha takliflarni kutib qolamiz. Ertaga xalqaro musobaqalar ham boshlanadi. Hukumatimiz unda sportchilarimizning ishtirokiga ruxsat bergach, bunga tayyor bo'lishimiz kerak. SHu bois sportchilarimizni yuqori sport formasida ushlab turishimiz lozim», – dedi Rustam SHoabdurahmonov.

Yig'ilish davomida Olimpiya harakatini qo'llab-quvvatlashga masul tashkilotlar bilan ishlash, yilning qolgan qismida mahalliy musobaqalarni tashkil qilish, federaciyalar matbuot xizmati bilan ishlash, sportchilarimizning yig'inlardagi bo'sh vaqtlarini mazmunli o'tkazish mavzularida ham fikr-mulohazalar almashilindi.