23 avg 13:18
Yangiliklar

Tennis

Oqgul va Albina to'g'ridan-to'g'ri yarim finalga yo'l olishdi

Germaniyaning Braunshveyg shahrida tennis bo'yicha “Fyuchers” turkumiga kiruvchi turnir davom etmoqda.

Sovrin jamg'armasi 25 000 AQSH dollarini tashkil qiluvchi musobaqada tajribali tennischilarimiz Oqgul Omonmurodova va Albina Xabibulina ham ishtirok etyapti.

Etiborlisi, hamyurtlarimiz juftlik bahslarida kurashsiz yarim final yo'llanmasini qo'lga kiritishdi. Birinchi bosqichdan ozod etilgan hamyurtlarimizning chorak finaldagi raqiblari kortga chiqmadi. Natijada ular osonlik bilan yarim finalga yo'l olishdi.

Endi birinchi raqam ostida tasniflangan Oqgul Omonmurodova va Albina Xabibulina juftligi final chiptasi uchun uchinchi raqamli juftlik, germaniyalik opa-singil tennischilar - Tayisiya va Yana Mordergerga kortga chiqishadi.