Osiyo chempionatining birinchi kuni startga chiqadigan sportchilarimiz malum

Qita chempionatining birinchi kuni 5 kilometr masofaga suzish bo'yicha musobaqa o'tkaziladi. Erkaklar o'rtasida bo'lib o'tadigan bahslarda 24 nafar, xotin-qizlar o'rtasida o'tkaziladigan startda esa 16 nafar sportchi sovrinli o'rinlar uchun kurash olib boradi.

Erkaklar o'rtasida tashkil etiladigan musobaqada Vatanimiz sharafini Abdujalil Abdug'aniev, Vyacheslav SHkretov va Nikita Kornilov (Bekmurod Kenjaev zaxira sportchi) himoya qilishadi.

Umuman erkaklar o'rtasidagi musobaqada O'zbekiston terma jamoasi azolaridan tashqari Ummon, Tojikiston, Qozog'iston, Yaponiya, Iordaniya, Eron, Bangladesh, Hindiston, Xitoy Taypeyi, Gonkong, Iroq, Quvayt va Falastin terma jamoasi azolari ham startga chiqadilar.

Xotin-qizlar o'rtasida o'tkaziladigan bahslarda esa O'zbekiston sharafini Parizoda Iskandarova, Anastasiya Zelinskaya hamda Muslima Jumaboeva himoya qiladilar.

Mazkur musobaqada, shuningdek, Hindiston, Qozog'iston, Xitoy Taypeyi, Gonkong, Iordaniya, Yaponiya va Bangladesh terma jamoasi azolari ham sovrinli o'rinlar uchun kurash olib borishadi.