So’nggi yangiliklar

18:17Сауль Альварес Мексика боксининг ўзидан кейинги суперюлдузи ким бўлишини айтди 0 17:56Ўзбекистон ўсмирлар терма жамоасида руминиялик мутахассис иш бошлади 0 17:35Оскар Де Ла Хойя Ортис - Спенс жангини ташкил қилмоқчи 0 17:14"Манчестер Юнайтед" Де Хеани қайтармоқчи 0 16:53Султонов Барлетта "Челленжер" турнирида 19 ёшли йигитга ютқазди 0 16:32Эшитдик-да! Флойд Мейвезер май ойида Тошкентга келади 0 16:11Сергей Фомин Анталия турнирида 1/4 финалга чиқди 0 15:50Перес "Реал" мураббийлигига Хаби Алонсо эмас, бошқа бир испанияликни олиб келмоқчи 0 15:29Нэшвиллдаги турнирнинг асосий жанги тасдиқланди 0 15:08Шон О'Мэлли Мераб Двалишвили билан жанг анонсига муносабат билдирди 0 14:47Теренс Кроуфорд: "Канело — бокснинг юзи!" 0 14:26Кечаги учрашувда Ҳусанов нега қайдномадан ҳам жой олмагани очиқланди 0 14:05"Хабиб Махачевни Топурияга қарши жангдан тийиб турибди" - Сехудо 0 13:44МОҚ Бош котиби IFMA вице-президенти билан учрашув ўтказди 0 13:23"Нганну билан жанг - шунчаки вақт масаласи" - Уайлдер 0

22 okt 03:27
Yangiliklar

Olimpiya o'yinlari

O'smirlar Olimpiadasi sovrindorlari O'zbekistonda qay tarzda kutib olindi? (FOTO)

Xabaringiz bor, 6-18 oktyabr kunlari Argentina poytaxti Buenos-Ayres shahrida III yozgi o'smirlar Olimpiya o'yinlari bo'lib o'tdi.

Mazkur "kichik Olimpiada" o'zbekistonlik yosh atletlar uchun har qachongidanda omadli keldi. O'yinlar yakuniga ko'ra hamyurtlarimiz tomonidan umumiy hisobda 16 ta medal qo'lga kiritildi. Ularning 5 tasi oltin, 4 tasi kumush va 7 ta bronza medallaridir. Medallar sifati bo'yicha 206 mamlakat ichida 13-o'rinni egalladik.

Bugun tunda ushbu musobaqada ishtirok etgan sportchilarimiz yurtimizga qaytib kelishdi. Ular Islom Karimov nomidagi Toshkent xalqaro aeroportida tantanali tarzda kutib olindi. Marosimda O'zbekiston Respublikasi Prezidenti maslahatchisi Abdujabbor Abduvohidov, Milliy olimpiya qo'mitasi prezidenti Umid Ahmadjonov, Jismoniy tarbiya va sport vaziri Dilmurod Nabiev, sportchilarning yaqinlari, muxlislar va ommaviy axborot vositalari xodimlari ishtirok etishdi.

Tadbir davomida Prezident maslahatchisi Abdujabbor Abduvohidov so'zga chiqar ekan, musobaqada muvaffaqiyatli ishtirok etgan yosh sportchilarimizni tabrikladi. Mamlakatimizda sportga qaratilayotgan etibor o'z samarasini berayotganini alohida qayd etib o'tdi. Qo'lga kiritilgan yutuqlar uchun sportchi va murabbiylarga minnatdorchilik bildirdi.

So'ngra Argentina Olimpiadasining oltin medali sohiblari Kumush Fayzullaeva, Umid Jalolov yaratilgan sharoitlar va imkoniyatlar uchun muhtaram Prezidentimizga minnatdorchilik bildirishdi. Bundan keyingi muhim musobaqalarda ham munosib ishtirok etishga vada berdilar. SHuningdek, sportchilarimizning ota-onalari ham so'zga chiqib, o'zlarining eng samimiy tilaklarini izhor etishdi.

Qayd etish lozimki, mazkur o'yinlarda O'zbekiston o'z rekordini yangiladi. Taqqoslash uchun, to'rt yil oldin Nankinda bo'lib o'tgan o'smirlar Olimpiya o'yinlarida sportchilarimiz 10 ta medal qo'lga kiritgandilar. Bu safargi musobaqada esa hamyurtlarimiz 16 ta medalga ega chiqqan holda mamlakatimiz uchun ushbu o'yinlardagi eng yaxshi natijani qayd etdilar.

Milliy olimpiya qo'mitasi ushbu muvaffaqiyat bilan barcha sportchilarimizni, ularning murabbiylarini va sport federaciyalarini muborakbod etadi va oldinda turgan nufuzli musobaqalarda ham ushbu zafarli yurishni davom ettirishlarini tilaydi.


Suratlar muallifi: Abdullo Fayzullaev

Reyting: +1   

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing