O'smirlar Olimpiya o'yinlariga licenziyalarimiz yana ikkitaga ko'paydi

O'zbekiston sport delegaciyasi mazkur nufuzli musobaqaga jiddiy ravishda tayyorgarlik ko'rmoqda. Kuni kecha, Xalqaro dzyudo federaciyasining kadetlar o'rtasidagi reyting musobaqalari yakuniy ro'yxati elon qilindi.

Unga ko'ra, o'g'il bolalar o'rtasida -66kg vazn toifasida yurtimiz sharafini himoya qilgan Jayhunbek Nazarov, qizlar o'rtasida esa -52kg vazn toifasida bahslarda qatnashgan Nilufar Ermagembetova yakuniy reytingga ko'ra o'smirlar Olimpiadasida ishtirok etadigan bo'lishdi.

Qayd etib o'tish lozimki, reyting musobaqalarida qatnashgan besh nafar o'zbekistonlik yosh dzyudochi Olimpiya o'yinlari meyorini bajargandi. Biroq, qoidaga ko'ra bir mamlakatdan ko'pi bilan ikki nafar dzyudochi o'smirlar Olimpiadasida ishtirok etishi mumkin. O'zbekiston dzyudo federaciyasi qaroriga ko'ra aynan Jayhunbek Nazarov va Nilufar Ermagambetova Argentinadagi musobaqada ishtirok etish uchun tanlab olinishdi.

SHu tariqa, O'zbekiston sport delegaciyasining Buenos-Ayres Olimpiadasi uchun licenziyalari soni 33taga etdi.

Bugungi kunga kelib III yozgi o'smirlar Olimpiya o'yinlari uchun terma jamoamiz hisobida quyidagi sport turlarida licenziyalar mavjud:

Sport kurashlari – 5ta
Engil atletika - 4
Boks – 3 ta
Og'ir atletika – 3 ta
Baydarka va kanoeda eshkak eshish – 3 ta
Akademik eshkak eshish – 3 ta
Sport gimnastikasi – 2 ta
Sport akrobatikasi – 2 ta
Dzyudo - 2 ta
Trampolin - 1
Badiiy gimnastika – 1 ta
Ot sporti (konkur) – 1 ta
Taekvondo – 1 ta
Karate - 1
O'q otish - 1

Malumot uchun, 2010 yilda ilk marotaba Singapurda o'tkazilgan o'smirlar Olimpiya o'yinlariga O'zbekiston terma jamoasi 21ta licezniya qo'lga kiritgan. 2014 yilgi Nankin Olimpiadasida esa O'zbekiston sport delegaciyasi 28 nafar sportchidan iborat bo'lgan. Demak, bu boradagi rekord allaqachon yangilanib bo'ldi va bugungi kungi kelib 33 nafar o'smirlarimiz Olimipiya o'yinlarida ishtirok etish xuquqiga ega bo'lib ulgurishdi. Sportchilarimiz hali suzish va tennis sport turlarida ham licenziyalar qo'lga kiritish imkoniga egalar.