O'smirlar Olimpiya o'yinlariga navbatdagi licenziya!

Buenos-Ayresda bo'lib o'tadigan III o'smirlar Olimpiya o'yinlariga licenziya beruvchi mazkur musobaqada yurtimiz sharafini Bobur Ahmadaliev va Nikita Babenishevlar himoya qilishmoqda.

Bahslarda ishtirok etayotgan Nikita Babenishev o'z tengdoshlari orasida ikkinchi natijani qayd etdi va Buenos-Ayresda bo'lib o'tadigan o'smirlar Olimpiya o'yinlariga yo'llanmani qo'lga kiritdi. Bu borada birinchi o'ringa xitoylik sportchi loyiq ko'rilgan bo'lsa, Yaponiya vakiliga Osiyo chempionatining bronza medali va Olimpiya o'yinlariga uchinchi licenziya nasib etdi.

«Delegaciyamiz hisobiga navbatdagi licenziyani qo'shib qo'yganimizdan xursandmiz. Yigitlar ushbu musobaqaga uzoq vaqt davomida tayyorgarlik ko'rishdi. Murakkab dastur asosida ishladik va yakunda o'z maqsadimizga erisha oldik», – dedi terma jamoamiz bosh murabbiyi, Pekin-2008 Olimpiya o'yinlari bronza medali sohibi Ekaterina Xilko.

O'zbekiston Milliy olimpiya qo'mitasi ushbu muvaffaqiyat bilan sportchi va uning murabbiyi, shuningdek, O'zbekiston gimnastika federaciyasini tabriklaydi. Takidlash lozimki, O'zbekiston gimnastika federaciyasi o'smirlar Olimpiya o'yinlariga gimnastikaning barcha yo'nalishlari bo'yicha licenziyalarga ega chiqdi. Bunga qadar sport gimnastikasida 2 ta, akrobatika va badiiy gimnastikada bittadan yo'llanmalar qo'lga kiritilgandi. Endi ular qatoriga trampolindan xam bitta yo'llanma qo'shildi.

Eslatib o'tamiz, III o'smirlar Olimpiya o'yinlari shu yilning 6-18 oktyabr kunlari Argentina poytaxti Buenos-Ayresda bo'lib o'tadi.