O'smirlarimiz Olimpiya o'yinlariga yana bitta licenziya qo'lga kiritishdi

Ayni paytda Ispaniyaning Barselona shahrida o'smirlar o'rtasida baydarka va kanoeda eshkak eshish bo'yicha jahon chempionati davom etmoqda. Quvonarlisi, ushbu nufuzli musobaqaning sprint va slalom bahslarida yurtimiz sharafini himoya qilayotgan farg'onalik Islom Abdusalomov hozirgina III o'smirlar Olimpiya o'yinlari licenziyasiga ega bo'ldi. U ikkikurash yakunlariga ko'ra jahonda ikkinchi o'rinni egalladi va Argentinadagi nufuzli musobaqa yo'llanmasiga ega bo'ldi.  

SHuningdek, mazkur yo'nalishda qizlar o'rtasidagi bellashuvlarda ishtirok etayotgan Gulbahor Fayzieva (Toshkent viloyati) sprint bahslaridan so'ng birinchi o'rinda ketmoqda va licenziya qo'lga kiritishga juda yaqin turibdi. Umid qilamizki, bugun o'tkaziladigan slalom bahslaridan so'ng Gulbahor ham terma jamoamiz hisobiga yana bir yo'llanmani qo'shib qo'yadi.

Malumot uchun, bugungi kunga qadar hamyurtlarimiz quyidagi sport turlarida III yozgi o'smirlar Olimpiya o'yinlari licenziyasiga ega bo'lib ulgurishdi:

Og'ir atletika - 3 ta

Akademik eshkak eshish - 2 ta

Ot sporti (konkur) - 1 ta

Taekvondo - 1 ta

Baydarka va kanoeda eshkak eshish  - 1 ta

Eslatib o'tamiz, III o'smirlar Olimpiya o'yinlari joriy yilning 6-18 oktyabr kunlari Argentina poytaxti Buenos–Ayresda bo'lib o'tadi.