Otabek Umarov boshchiligidagi MOQ rahbariyati velosport federaciyasida mehmon bo'ldi

Kecha kunning birinchi yarmida O'zbekiston velosiped sporti federaciyasining rejalari muhokama qilindi.

Takidlash joiz, ushbu sport Olimpiya o'yinlarida eng ko'p licenziya va medallar jamlanmasi o'ynaladigan yo'nalishlardan hisoblanadi. Biroq so'nggi Olimpiadalarda velosportchilarimiz kam sonli yo'llanmalar bilan cheklanib qolishmoqda. Suhbat davomida ushbu jihat tanqid ostiga olinib, kelgusida terma jamoamiz yo'llanmalar bilan cheklanib qolmay, sovrinli o'rinlar uchun kurashishi lozimligi bildirildi.

Federaciya masullari ayni shu maqsadda terma jamoalarga uch nafar xorijiy murabbiy jalb etilgani, ular reja asosida nafaqat kattalar, balki yoshlar jamoasi bilan ham ishlab borishi ko'zda tutilganini takidlashdi.

Mutasaddilar tashrif davomida federaciyaning moddiy texnik bazasini ham ko'zdan kechirishdi. O'rganish ishlari davomida klublar faoliyatini yanada kuchaytirish, ularning nufuzli xalqaro musobaqalardagi ishtirokini taminlash kabi mavzularga ham alohida to'xtalib o'tildi.