O'zbek jang sanati rahbari Po'lat Usmonov WOMAO vice-prezidentligiga saylandi

Bu haqda O'zbek jang sanati federaciyasi xabar berdi.

Har ikki yilda Janubiy Koreyada YUNESKO tizimida butun jahon jang sanatlari festivali tashkil etib kelinadi. Ananaviy tarzda o'tadigan mazkur sport anjumanida dunyoning bir qator yakkakurash turlari, milliy sportlar namoyish etiladi. 

Mazkur festivalda bir necha yildan beri O'zbek jang sanati federaciyasi sportchilari qatnashib, xalqimizning boy ananalari va qadriyatlarini jamlagan jangavor usullarni targ'ib etib kelinmoqda.

50 dan oshiq davlat vakillari ishtirokida davom etayotgan festival jarayonida WOMAOning navbatdagi kongressi o'tkazildi. Unda ovoz berish yo'li bilan tashkilotning ikki nafar vice-prezidenti saylandi.

Ushbu lavozimga davogar bo'lgan Eron, Janubiy Koreya, Hindiston vakillaridan eng ko'p ovoz olgan hamyurtimiz, O'zbek jang sanati federaciyasi rahbari Po'lat Usmonov keyingi ikki yil muddatga WOMAO vice-prezidenti etib saylandi. 

Aytish lozim, O'zbekistonda xizmat ko'rsatga sport ustozi, yuzlab dongdor yakkakurash ustalarining murabbiyi, O'zbek jang santi asoschisi Po'lat Usmonov Yunesko tizimidagi mazkur xalqaro sport tashkiloti rahbarligiga uchinchi bor saylanishi.

Eslatib o'tamiz, har ikki yilda o'tadigan Butunjahon jang sanatlari festivalining 2017 yilgi bahslarida O'zbek jang sanati terma jamoasi umumjamoa hisobida 50 dan ziyod jamoalar orasida 1-o'rinni egallagandi.

Festival musobaqalari 21 noyabr kuni yakunlanadi.

To'lqin Ro'ziev tayyorladi