O'zbek sportining yulduzlari 2023 yil o'z oldilariga qanday maqsad qo'yishdi?

Olimpiya yilidan oldin o'tadigan mavsumda atletlarimiz qator licenzion musobaqalar, qita va jahon chempionatlari, Osiyo o'yinlari kabi nufuzli musobaqalarda yurtimiz sharafini himoya qilishadi. 

Biz bir qator taniqli sportchilarimizga murojaat qilib, 2023 yil o'z oldilariga qanday maqsad qo'yishgani, yangi yildan nimalar kutishayotgani, buni bir jumla bilan tariflab berishlarini so'radik. 

Javoblar esa quyidagicha:

Bahodir Jalolov (boks): 2023 yil o'z yurtimizda o'tadigan jahon chempionati va Osiyo o'yinlarida g'alaba qozonish, professional boksda super og'ir vazn toifasida TOP-10 ga kirish

SHarifa Davronova (engil atletika): 15 metrga sakrash, Osiyo o'yinlari chempioni bo'lish

Svetlana Osipova (taekvondo): O'zim ishtirok etgan har bir musobaqada maksimal darajada chempionlikka erishish

Abdumalik Xalakov (boks): Jahon chempionati va Osiyo o'yinlarida g'alaba qozonish, Parij-2024 Olimpiadasiga licenziya qo'lga kiritish

Muzaffarbek To'raboev (dzyudo): CHempionlikni munosib himoya qilish va Xanchjou-2022 Osiyo o'yinlarining oltin medallari

Niyaz Pulatov (taekvondo): Tinimsiz mehnat qilish, barcha musobaqalarda shohsupaga ko'tarilish

Xo'sh, Siz 2023 yil uchun o'z oldingizga qanday maqsad qo'ydingiz?