O'zbekiston delegaciyasi Lozannadagi Olimpiya muzeyida bo'ldi

Muzey atmosferasi kishiga Olimpiada ruhiyatini bag'ishlashi bilan etiborni tortadi. Unda antik davrdan to bugungi kunga qadar spot olamidagi eng etiborli lahzalar tasvirlab o'tilgan. Zamonaviy texnologiyalar sharofati bilan bu erda Olimpiya o'yinlari deb atalmish sport bayramining muhitini his eta olasiz.

Muzeydagi har bir eksponat sport o'yinlarining ruhiyatini beribgina qolmay millatlarni birlashtiradi. Noananaviy bino Lozanna qirg'oqlarini yuvib turuvchi Jeneva ko'lining yoqasida qurilgan. Bu erda antik yunon davri va hozirgi kungacha bo'lgan davrda Olimpiadaga taalluqli hujjatlar, filmlar, qimmatbaho buyumlar saqlanadi.

Muzey Olimpiya o'yinlari bo'yicha dunyodagi eng yirik axborot markazi hisoblanadi. O'zbekiston delegaciyasi tashrif so'ngida muzey uchun milliy sovg'alarimizni taqdim qildi.

Eslatib o'tamiz, bugun uchinchi o'smirlar qishki Olimpiya o'yinlari dasturida hamyurtimiz Valeriya Kovalyova tog' chang'isining gigant slalom yo'nalishi bo'yicha ishtirok etadi.