10 okt 17:15
Yangiliklar
Dzyudo
O'zbekiston dzyudo federaciyasiga yangi rais saylandi
Bugun Milliy olimpiya qo'mitasida O'zbekiston dzyudo federaciyasining navbatdan tashqari hisobot-saylov Konferenciyasi bo'lib o'tdi.
Uni federaciya vice-prezidenti Dmitriy Adisman olib bordi.
Malumki dzyudo
mamlakatimizda eng ommaviy sport turlaridan biri hisoblanadi. O'zbek
dzyudosining shonli tarixi, mashhur maktabi va o'z ananalari bor.
Mamlakatimiz Mustaqillikka erishgach, ortda qolgan 26 yil davomida yurtimiz
dzyudochilari eng nufuzli xalqaro musobaqalar - Olimpiya va Osiyo o'yinlari,
jahon va qita chempionatlarida muntazam ishtirok etib kelishmoqda.
Jumladan, O'zbekiston
delegaciyasi mustaqil jamoa sifatida qatnashgan 6 ta yozgi Olimpiya
o'yinlarida hamyurtlarimiz sportning ushbu turidan jami oltita medalga
sazovor bo'lishgan. Armen Bagdasarov 1996 yil Atlanta (AQSH) va Abdullo
Tangriev 2008 yili Pekin (Xitoy)da kumush medallarni qo'lga kiritgan
bo'lsalar, ikki karra jahon chempioni Rishod Sobirov 2008, 2012 va 2016
yilgi Olimpiya o'yinlarida bronza medallariga sazovor bo'lib, ketma ket uch
Olimpiya o'yinlarida sovrindor bo'la olgan er yuzidagi kam sonli dzyudochilar
orasiga kirgan. SHuningdek, Diyorbek O'rozboev 2016 yili Rio-de Janeyroda
bo'lib o'tgan XXXI yozgi Olimpiya o'yinlarida delegaciyamiz hisobiga bronza
medalini qo'shib qo'ygan.
Osiyo o'yinlari va jahon
chempionatlarida ham O'zbekiston doimo favoritlar qatorida zikr etilsada
so'nggi yillarda sportchilarimiz asosan bronza medallari bilan cheklanib
qolishmoqda. Bugungi Konferenciyada aynan shu jihatlarga ham alohida
etibor qaratildi.
Yakkakurashlar bo'yicha
Respublika oliy sport mahorati maktabi direktori SHahrillo Mahmudov hamda
O'zbekiston dzyudo federaciyasi vice-prezidenti, Atlanta-1996 Olimpiya
o'yinlari sovrindori Armen Bagdasarovlar eng nufuzli musobaqalarda oltin
medallar jamg'arish uchun vaqt allaqachon etganligi, buning uchun
mamlakatimizda barcha sharoitlar yaratilganligi xaqida takidlab o'tishdi.
Konferenciyada tashkiliy
masala ham ko'rildi va so'nggi yillarda federaciyaga rahbarlik qilib kelgan
Adham Ahmedbaev o'rniga O'zbekiston Respublikasi Markaziy Banki raisining
o'rinbosari Alisher Valievich Akmalov O'zbekiston dzyudo federaciyasining
raisi etib bir ovozdan saylandi.
Konferenciya ishida
O'zbekiston Respublikasi Jismoniy tarbiya va sport davlat qo'mitasi raisi
Rustam Qurbonov va Milliy olimpiya qo'mitasi Bosh kotibi Oybek Kasimov
ishtirok etishdi va so'zga chiqishdi. SHuningdek, Konferenciya davomida
federaciyaning avvalgi raisi Adham Ahmedbaevning mamlakatimizda dzyudo
sport turining rivojlanishi va taraqqiy etishiga qo'shgan hissasi alohida
takidlab o'tildi va qilgan xizmatlari uchun unga minnatdorchilik izhor
etildi.
O'z navbatida,
federaciyaning yangi rahbariga zimmasida turgan masuliyatli vazifalarni
bekamu ko'st bajarishda muvaffaqiyatlar tilandi. Oldinda turgan muhim
musobaqalar – kelasi yili Indoneziya mezbonlik qiladigan Osiyo o'yinlari,
hamda “Tokio 2020” Olimpiya o'yinlarida yurtimiz sport jamoatchiligi o'zbek
dzyudochilaridan nafaqat kumush va bronza, balki oltin medallar
kutayotganligi takidlab o'tildi. SHuning bilan O'zbekiston dzyudo
federaciyasining navbatdan tashqari Konferenciyasi o'z ishini yakunladi.
Havola :
Manba : olympic.uz
Fikrlar