O'zbekiston Olimpiya o'yinlarida. Sidney-2000

Bugun Sidney-2000 XXVII yozgi Olimpiya o'yinlarini yodga olamiz. Dastavval, ushbu Olimpiada haqida qisqacha to'xtalib o'tsak.

O'tkazilgan sana: 15 sentyabr – 1 oktyabr
Delegaciyalar soni: 199
Atletlar soni: 10,651 nafar (6582 erkak, 4069 ayol)
Medallar jamlanmasi: 28 sport turida 300 ta

O'zbekiston Sidney-2000 Olimpiya o'yinlarida

Ushbu Olimpiada delegaciyamiz o'zining eng ko'p sonli atletlari bilan qatnashgan O'yinlardan biri sifatida tarixda qolgan. Sidneyda 12 sport turida 70 nafar sportchimiz ishtirok etgan. Yana bir ahamiyatli tomoni Muhammadqodir Abdullaevning g'alabasi sharafiga ilk bor yozgi Olimpiya o'yinlaridagi oltin medalimizga sazovor bo'lgan edik. SHuningdek, 2000 yilgi Olimpiya o'yinlarida Artur Taymazov (erkin kurash, -130 kg) kumush, bokschilarimiz Sergey Mixaylov (-81 kg) va Rustam Saidov (+91 kg) bronza medallariga sazovor bo'lishgan edi. Bu bilan umumjamoa hisobida 199 mamlakat orasida 43-o'rinni egallaganmiz.

Etiborlisi, Sidney-2000 Olimpiya o'yinlarida engil atletikaning shoh yo'nalishi bo'lmish 100 metrga kechgan estafeta bahsida ham erkaklar, ham ayollar o'rtasida, shuningdek, xuddi shu masofaga erkin usulda suzish bahsida ham estafeta yo'nalishida ishtirok etganmiz.