27 mar 09:07
Yangiliklar

Futbol

O'zbekiston olimpiya terma jamoasi Dohada Qatarni mag'lub etdi

O'zbekiston olimpiya terma jamoasi Qatardagi yig'in davomidagi ikkinchi nazorat uchrashuvida maydonga tushdi.

Terma jamoalar o'rtasidagi dastlabki uchrashuvda 1:1 hisobi qayd etilgandi. Kechagi o'yinda Temur Kapadze jamoasi 2:1 hisobida zafar quchdi. Alisher Odilov va Husayn Norchaev olimpiyachilarimizning gollariga mualliflik qilishdi. Alibek Davronov 78-daqiqada ikkinchi sariq kartochka sabab maydondan chetlatildi.

Qatar OTJ — O'zbekiston OTJ 1:2

Gollar: Alisher Odilov (5), Husayn Norchaev (54)

O'zbekiston U-23: Vladimir Nazarov, Ibrohimhalil Yo'ldoshev, Alibek Davronov, Asadbek Rahimjonov, Saidazamat Mirsaidov, Abdurauf Bo'riev, Umarali Rahmonaliev, Jasurbek Jaloliddinov, Alisher Odilov, Husayn Norchaev, Otabek Jo'raqo'ziev.

CHetlatish: Alibek Davronov (78, ikkinchi sariq kartochka).