O'zbekiston o'q otish federaciyasi Parij-2024 Olimpiadasiga 12 ta yo'llanma qo'lga kiritmoqchi, bu haqida Rustam SHoabdurahmonov ishtirokidagi majlisda malum qilindi

O'zbekiston Milliy Olimpiya qo'mitasi hamda Turizm va sport vazirligi federaciya va associaciyalar bilan Xanchjou-2022 Osiyo va Parij-2024 yozgi Olimpiya o'yinlariga tayyorgarlik rejalarini muhokama qilishda davom etadi. Bu gal O'zbekiston o'q otish federaciyasi sportchi va murabbiylari bilan uchrashuv o'tkazildi.

Yig'ilishda MOQ rahbari Rustam SHoabudrahmonov hamda Turizm va sport vazirining o'rinbosari Avaz Karimov, Sportning qishki va murakkab turlari bo'yicha oliy sport mahorat maktabi vakili, federaciya mutasaddilari, shuningdek, Parij-2024 Olimpiadasiga davogar sportchilar ishtirok etishdi.

Qayd etish joiz, ushbu sport Olimpiya o'yinlarida eng ko'p medal va yo'llanmalar o'ynaladigan turlardan hisoblanadi. SHu bois MOQ raisi federaciyaning licenziatlar borasida “drayveri” bo'lishi lozimligi, buning uchun Prezidentimiz va hukumatimiz tomonidan barcha sharoitlar yaratib berilishini takidladi.

Har bir federaciyalar bilan bo'lgani kabi bu gal ham sportchilar bilan birma-bir suhbat olib borildi. Bundan ko'zlangan maqsad ularda ertangi g'alabaga bo'lgan ishonchni kuchaytirish va g'oliblik ruhini singdira olishdir.

Ahamiyatlisi, uzoq tanaffusdan so'ng tajribali merganimiz, London-2012 Olimpiadasi ishtirokchisi Sakina Mamedovani ham Parij-2024 davogarlari qatorida ko'rish mumkin. Umuman olganda, O'zbekiston o'q otish federaciyasi bo'lajak Olimpiya o'yinlarida 12 ta yo'llanma bilan ishtirok etishni maqsad qilib qo'ygan.

Uchrashuv davomida ayni paytda hal qilinishi kerak bo'lgan muammolar, ularni bartaraf etish uchun zarur choralar, barcha sportchilarni zamonaviy qurol va boshqa inventarlar bilan taminlash bo'yicha fikrlar bildirildi.