O'zbekiston tekbol federaciyasi Adliya vazirligidan ro'yxatdan o'tdi

Federaciyaning ushbu hujjatini MOQ Bosh kotibi, O'zbekiston tekbol federaciyasi raisi Oybek Kasimov qabul qilib oldi. Joriy yilning o'zida tekbol bo'yicha birinchi O'zbekiston chempionati tashkil etilishi rejalashtirilgan.

Tekbol 2014 yilda vengriyalik ikki futbol fanatlari tomonidan o'ylab topilgan bo'lib, asoschilari sobiq professional futbolchi Gabor Borshani va dasturchi Viktor Xusar hisoblanishadi. U futbol va stol tennisining uyg'unlashgan ko'rinishi hisoblanadi.

Mart oyida Xalqaro tekbol federaciyasi rahbariyati yurtimizga tashrif buyurib, ushbu sport turi bo'yicha katta taqdimot o'tkazgan va uni mamlakatimizda ommalashtirish yo'lida Xalqaro tekbol federaciyasi, Xalq talim vazirligi va O'zbekiston Milliy Olimpiya qo'mitasi o'rtasida hamkorlik memorandumi imzolangan edi.

Ana endi ushbu sport turi bo'yicha terma jamoamiz yirik xalqaro musobaqalarda yurtimiz sharafini himoya qilishi mumkin. SHubhasiz, mamlakatimizda bu kabi qiziqarli sport turlarining ortib borishi yurtimizda sog'lom turmush tarzini targ'ib qilish yo'lida ahamiyatli.