Xalqaro tekbol federaciyasi, Xalq talimi vazirligi va MOQ o'rtasida hamkorlik memorandumi imzolandi

Tekbol sportini mamlakatimizda ham ommalashtirish maqsadida tashkil qilingan ushbu safar davomida yana bir muhim qadam tashlandi. Bugun MOQ anjumanlar zalida Xalqaro tekbol federaciyasi, O'zbekiston Respublikasi Xalq talimi vazirligi va O'zbekiston Milliy olimpiya qo'mitasi o'rtasida uch tomonlama hamkorlik memorandumi imzolandi. Mazkur tadbirda Xalqaro tekbol federaciyasi Bosh kotibi kichik-Marius Vizer, Xalq talimi vaziri SHerzod SHermatov, MOQ Bosh kotibi Oybek Kasimov, MOQ raisi o'rinbosari, O'zbekiston dzyudo federaciyasi raisi Azizjon Kamilov, yaqin o'tmishimizning taniqli futbolchilari ishtirok etishdi. 

Tadbir avvalida SHerzod SHermatov imzolanajak memorandum haqida o'z fikrlarini bildirib o'tdi.

“Tadbirimiz avvalida ushbu sport turining qiziqarli ekanligiga yana bir karra amin bo'ldim. Bu o'yin maktablarimizda o'quvchilarining sevimli o'yini bo'lishiga ishonaman. Uning yordamida 5-6 xil sportni mujassamlashtirish mumkin. Bu esa yoshlarimiz orasida sog'lom turmush tarzi targ'iboti yo'lida, o'quvchilarimizning bo'sh vaqtlarini mazmunli o'tkazishda ayni muddao”, – dedi Xalq talimi vaziri.

SHuningdek, MOQ Bosh kotibi istiqbolli hamkorlik haqida shunday deydi:

“Xalqaro tekbol federaciyasining yurtimizda ushbu sport turini targ'ib qilish borasida ko'rsatayotgan tashabbusi uchun rahmat aytib o'tamiz. Haqiqatda, ushbu sport butun dunyoda juda tez suratlarda rivojlanib bormoqda. Tekbol muhtaram Prezidentimiz tomonidan ilgari surilayotgan sog'lom turmush tarzi targ'iboti uchun juda mos keladi. Bu sport kelajakda Osiyo va Olimpiya o'yinlari dasturiga kirishi mumkin. Sizlar bilan hamkorlikda ishlashdan mamnunmiz”.

Tadbirda xalqaro tashkilot Bosh kotibi ham so'z olib, imzolanadigan memorandum, uning mohiyati va tomonlarning majburiyati haqida gapirib o'tdi. Unga ko'ra, Xalqaro tekbol federaciyasi O'zbekistonga yaqin kelajakda 10 ming dona tekbol inventarlarini etkazib beradi. Xalq talimi vazirligi va MOQ esa yurtimizda ushbu sport turini ommalashtirish borasida hamkorlikda ishlaydi.

SHundan so'ng tomonlar hamkorlik memorandumiga imzo chekishdi. Tadbir yakunida Farhod Tojiev, Temur Kapadze, Islom Inomov kabi futbolchilarimiz xalqaro tashkilot vakillari bilan ko'rgazmali o'yinda ushbu sport turi bilan yaqindan tanishishdi.