07 iyu 08:26
Yangiliklar

Boshqalar

Toshkentdagi maktablarga tekbol inventarlari etkazilmoqda

Teglar : Tekbol

Bir necha oy muqaddam Xalqaro tekbol federaciyasi (XTF) rahbariyati yurtimizga tashrif buyurib, mazkur sport turini mamlakatimizda targ'ib qilish bo'yicha O'zbekiston Respublikasi Xalq talimi vazirligi, MOQ va XTF o'rtasida o'zaro hamkorlik memorandumi imzolangan edi.

Ushbu hamkorlik bitimining amaliy ishlari boshlab yuborildi.

Tadbir poytaxtimizning Uchtepa tumanidagi 38-maktabida bo'lib o'tdi. Unda Xalq talimi vaziri SHerzod SHermatov, MOQ raisi Rustam SHoabdurahmonov va uning birinchi o'rinbosari Ravshan Irmatov, MOQ Bosh kotibi, O'zbekiston tekbol federaciyasi raisi Oybek Kasimov, shuningdek, Farhod Tojiev, Aziz Ibragimov, Islom Inomov, SHavkat Salomov, Kamoliddin Murzoev, Ruslan Mezlitdinov, Sunnatilla Mamadaliev kabi yaqin o'tmishimizning taniqli futbolchilari, maktab rahbariyati va o'quvchilari ishtirok etishdi.

XTF tomonidan yurtimizda ushbu sport turini ommalashtirish uchun 100 ta stol ajratildi. Ularning dastlabkisi Uchtepa tumanidagi ushbu maktabga topshirildi. Tadbir davomida o'quvchilar uchun tekbol sportining qoidalari, o'ziga xos xususiyati va qulayliklari haqida malumot berildi. Haqiqatda tekbol sporti maktab o'quvchilari uchun juda ham qulay bo'lib, bo'sh vaqtlarini mazmunli o'tkazishga katta turtki bo'ladi. Qolaversa, tadqimotda ushbu inventarlar bilan 5 ta sport turida bellashish mumkinligi alohida takidlandi. O'z navbatida MOQ va Xalq talimi vazirligi rahbariyati mazkur sport turini yanada ommalashtirish bo'yicha bir qator masalalarni muhokama qilib olishdi.

Yakunda ushbu maktab o'quvchilari uchun ko'plab tekbol inventarlari tortiq etildi. Rejaga ko'ra, bunday stollar Respublikamiz bo'ylab tarqatiladi. SHuningdek, maktab o'quvchilariga sog'lom turmush tarzi targ'iboti, Olimpizm g'oyalarini targ'ib qiluvchi ko'plab kitoblar sovg'a qilindi.