O'zbekiston Tokio Olimpiadasida jamoaviy sport turlari bo'yicha ham ishtirok etishni maqsad qilgan

Bungacha engil atletika va boks federaciyasi vakillari bilan ana shunday yig'ilish tashkil qilindi. Navbatdagi uchrashuv biryo'la to'rt sport turi vakili bilan o'tkazildi. Unda basketbol, gandbol, suv polosi va suvga sakrash bo'yicha mutaxassislar ishtirok etishdi.

Sir emaski, yuqorida qayd etilgan sport turlari bo'yicha O'zbekiston xech qachon Olimpiya o'yinlarida ishtirok etmagan. Bugun o'tkazilgan uchrashuvda jamoalarimizning Tokio Olimpiya o'yinlari uchun licenziya olish imkoniyatlari muhokama qilindi. Federaciya mutasaddilari MOQ rahbariyatiga Olimpiada yo'llanmasiga ega chiqish uchun nimalar qilish lozimligi, qaysi yo'nalishda ish olib bormoqchi ekanliklari haqida malumot berdilar.

Eslatib o'tamiz, bugun Milliy olimpiya qo'mitasi tomonidan Tokio Olimpiadasiga licenziya qo'lga kiritgan har bir sportchi uchun 100 million so'mdan pul mukofoti berilishi malum qilindi.