O'zbekiston va Xitoy MOQlari o'rtasida hamkorlik memorandumi imzolandi

Bu borada Xitoy yirik sport derjavalaridan biri bo'lib, CHin o'lkasi vakillari ham qishki, ham yozgi Olimpiya o'yinlarida umumjamoa hisobida etakchi davlatlar qatoridan o'rin egallaydi. Bugun O'zbekiston va Xitoy Milliy olimpiya qo'mitalari o'rtasida o'zaro hamkorlik bo'yicha memorandum imzolandi. Onlayn tarzda o'tkazilgan ushbu tadbirda O'zbekiston nomidan MOQ prezidenti Rustam SHoabdurahmonov, Bosh kotib Oybek Kasimov hamda Xalqaro aloqalar departamenti direktori Kamoliddin Ergashev ishtirok etdi. Xitoy nomidan mamlakat MOQ prezidenti Gou Jongven va Bosh kotib Song Keking qatnashdi. 

“Mana shunday murakkab davr bo'lishiga qaramasdan mamlakatlarimiz o'rtasida o'zaro hamkorlik aloqalari yanada mustahkamlanayotganidan xursandman. Biz davlatimiz rahbarlarining do'stona aloqalarini sport sohasida yanada mustahkamlamoqdamiz. O'zbekiston sport bo'yicha ham ulkan yutuqlarga erishib kelmoqda. Ayniqsa, futbol bo'yicha kuchli jamoasiga egasiz. Hamkorligimizni yuqori saviyada davom ettirishdan umidvormiz. O'z o'rnida o'zbekistonlik sportchilarni Pekin-2022 qishki Olimpiya o'yinlariga tayyorgarlik doirasida mamlakatimizda o'quv-mashg'ulot yig'inlarini o'tkazishga taklif qilamiz”, – dedi Gou Jongven.

O'z o'rnida Rustam SHoabdurahmonov ham yo'lga qo'yilayotgan hamkorlik aloqalaridan mamnun ekanligini takidladi.

“Bir necha kun muqaddam mamlakatimiz mustaqilligiga bag'ishlab og'ir atletika bo'yicha onlayn xalqaro musobaqa o'tkazdik va unda xitoylik sportchilar yuqori natija qayd etishgani bilan Sizni qutlab qolaman. Bugun biz uchun muhim kun. Xitoydek sport sohasida ulkan qudratga ega mamlakat bilan hamkorlikni yo'lga qo'ymoqdamiz. Takidlab o'tganingizdek, mamlakatimizda muhtaram Prezidentimiz SHavkat Miromonovich boshchiligida sport sohasida ham ulkan islohotlar olib borilmoqda. Xususan, yurtimizni rivojlantirish yo'lida ilgari surilgan 5 muhim tashabbusning biri ham aynan jismoniy tarbiya va ommaviy sportga yo'naltirilgan. Biz har qanday global vaziyatda ham o'sishdan to'xtamaymiz”, – dedi Rustam SHoabdurahmonov.

SHundan so'ng har ikki tomon o'rtasida hamkorlik memorandumi imzolandi. Unga ko'ra, tomonlar sport tibbiyoti, metodikasi yo'nalishlarida izchil hamkorlikni yo'lga qo'yish va tajriba almashish, ko'plab sport turlarida terma jamoalarimiz o'rtasida qo'shma o'quv-mashg'ulot yig'inlarini tashkilari qilish ko'zda tutilgan.

Takidlash joiz, Xitoy 2021-2022 yillar davomida 4 yirik kompleks musobaqalar: Osiyo sohil o'yinlari, yoshlar Osiyo o'yinlari, Xanchjou-2022 Osiyo o'yinlari va Pekin-2022 qishki Olimpiya o'yinlarini o'zida qabul qiladi. Mazkur memorandumda 2025 yil Toshkentda o'tadigan yoshlar Osiyo o'yinlariga tayyorgarlik va tashkiliy masalalar bo'yicha Xitoy tajribasini o'rganish bandi ham alohida qayd etilgan.