O'zbekistonlik sambochi dzyudo bo'yicha Osiyo chempioni bo'ldi

Musobaqaning oxirgi kunida og'ir vazn toifasidagi yoshlar medallar uchun kurash olib borishdi, deya xabar berdi MOQ matbuot xizmati.

Quvonarlisi, turnir yakunida hamyurtlarimiz 7 ta oltin, 3 ta kumush va 6 ta bronza, jami 16 ta medal bilan umumjamoa hisobida birinchi bo'lishdi. Eslatib o'tamiz, o'smirlar toifasidagi bahslarda ham dzyudochilarimiz birinchilikni qo'lga kiritishgan edi. 

Qayd etish lozimki, +100 kg vazn toifasida sambo bo'yicha yoshlar o'rtasida jahon chempioni bo'lgan Mahmudjon Mahsudov dzyudo bahslarida ham o'zini ko'rsata oldi va qita chempioniga aylandi. Bir necha kun oldin boshqa bir sambochi qizimiz Gulhayo Jo'raeva ham oltin medalga sazovor bo'lgandi.

So'nggi kun dasturida shohsupaga ko'tarilgan yurtdoshlarimiz:

Oltin medal:

-100 kg: Rustam SHorahmatov

+100 kg: Mahmudjon Mahsudov

-70 kg: Barchinoy Qodirova

-78 kg: SHirinjon Yo'ldosheva

+78 kg: Fotima Quramboeva

Kumush medal:

-81 kg: SHahzodxo'ja SHaripov

Bronza medal:

-81 kg: Ahror Ziyodullaev

-90 kg: Alisher Samanov

+100 kg: Abdulloh Xudoyorov

-63 kg: Sarvinoz Husanova

+78 kg: Mohlaroyim To'xtamisheva