O'ZDJTSU​ga yangi prorektor tayinlandi

Unda O'zbekiston Respublikasi Jismoniy tarbiya va sport vazirning birinchi o'rinbosari Ravshan Ermatov hamda universitet rahbariyati va professor-o'qituvchilar ishtirok etishdi. 

Yig'ilishda ishtirok etgan  Jismoniy tarbiya va sport vazirning birinchi o'rinbosari Ravshan Ermatov so'nggi yillarda yurtimizda jismoniy tarbiya va sportni ommalashtirishga qaratilgan keng islohotlar, xususan, mazkur universitetda amalga oshirilayotgan keng ko'lamdagi bunyodkorlik ishlari haqida takidlab o'tdi.

SHundan so'ng Ravshan Ermatov O'zbekiston Respublikasi Jismoniy tarbiya va sport vazirining tegishli buyrug'i bilan  O'zbekiston davlat jismoniy tarbiya va sport universitetining Ilmiy ishlar va innovaciyalar bo'yicha prorektori lavozimiga Bayazitov Komil Faritovich tayinlanganini o'qib eshittirdi. 

Malumot uchun, Komil Bayazitov bungacha O'zbekiston Respublikasi Vazirlar Mahkamasining Ijtimoiy rivojlantirish masalalari kotibiyati bosh mutaxassisi lavozimida ishlab kelayotgan edi. 

Komil Bayazitov 1979 yilda Surxondaryo viloyatining Termiz shahrida tug'ilgan. 2004  yilda O'zbekiston davlat jismoniy tarbiya va sport institutini (hozirgi O'zbekiston davlat jismoniy tarbiya va sport universitetini) tamomlagan. 2006 yilda ushbu universitetning magistratura bosqichi tugatgan. Pedagogika fanlari nomzodi, docent.